माडगुळ पंचायत समिती गणात परिवर्तनाचा एल्गार दादासाहेब मोटे (सर) यांना नागरिकांचा उत्स्फूर्त प्रतिसाद

 

माडगुळ पंचायत समिती गणात परिवर्तनाचा एल्गार दादासाहेब मोटे (सर) यांना नागरिकांचा उत्स्फूर्त प्रतिसाद. 

 भारतीय जनता पार्टीचे नेते ग्रामविकास तथा पंचायतराज मंत्री नामदार जयकुमार गोरे ,आमदार गोपीचंद पडळकर, सांगली जिल्हा परिषदेचे माजी अध्यक्ष अमरसिंह देशमुख, माजी समाज कल्याण सभापती ब्रह्मानंद (शेठ )पडळकर तसेच रिपब्लिकन पार्टी ऑफ इंडियाचे सांगली जिल्हा अध्यक्ष राजेंद्र बापू खरात यांच्या मार्गदर्शनाखाली भारतीय जनता पार्टीचे माडगूळ पंचायत समिती गणाचे अधिकृत उमेदवार श्री.दादासाहेब विठोबा मोटे यांना प्रचंड बहुमताने निवडून देण्याचे आवाहन भारतीय जनता पार्टीचे कार्यकर्ते व पदाधिकारी यांच्या वतीने करण्यात आले आहे.  

शब्दात ताकद विचारात जनतेचा विश्वास असलेले आटपाडी तालुक्यातील बोंबेवाडी ग्रामपंचायतचे माजी सरपंच, प्रगतशील बागायतदार आणि आदर्श शिक्षक म्हणजे दादासाहेब मोटे( सर ) माडगुळे पंचायत समिती गणाच्या विकासासाठी आपले बहुमोल मत कमळ चिन्हाला .कमळ म्हणजे गतिशील विचार आणि विकासात्मक धोरण. माडगुळ पंचायत समिती गणाचे भाजपचे अधिकृत उमेदवार दादासाहेब मोटे सर म्हणजे प्रामाणिक शांत आणि समाजसेवेचा वसा जोपासणारे प्रभावशाली व्यक्तिमत्व आहे. चला कमळ फुलवू आटपाडी तालुक्याचा विकास घडवू ही घोषणा प्रत्येक गावात ,वाडी -वस्तीवर,गावागावात घुमत आहे. आटपाडी तालुक्याच्या राजकीय क्षितिजावर माडगूळ पंचायत समितीच्या मातीत जनतेच्या आशीर्वादाने परिवर्तनाचा गुलाल उधळला जाणार असा विश्वास मतदारांमधून व्यक्त केला जात आहे. माडगुळ पंचायत समिती गणाचा सर्वांगीण विकास हेच ध्येय असल्याचे प्रतिपादन भारतीय जनता पक्षाचे माडगुळ पंचायत समिती गणाचे अधिकृत उमेदवार श्री.दादासाहेब मोटे( सर) यांनी शिवकाळ न्यूज चॅनल शी बोलताना व्यक्त केला.माडगूळ पंचायत समिती गणात रस्ते ,पाणी, वीज ,आरोग्य व शिक्षण यासह मूलभूत सुविधांच्या विकासासाठी विशेष भर देणार आहे. अनेक वर्षापासून प्रलंबित असलेली विकास कामे मार्गी लावून आटपाडी तालुक्याच्या विकासात योगदान देण्याचा निर्धार भाजपचे अधिकृत उमेदवार दादासाहेब मोटे यांनी व्यक्त केला.

माडगुळ पंचायत समिती गणातील पिंपरी खुर्द ,आंबेवाडी, खांजोडवाडी ,बोंबेवाडी, यमाजी पाटील वाडी, मासाळवाडी, माडगुळ, लेंगरेवाडी, तडवळे या गावातून भारतीय जनता पक्षाचे माडगूळ पंचायत समिती गणाचे अधिकृत उमेदवार श्री दादासाहेब मोटे सर यांना मोठ्या प्रमाणात नागरिकांचा पाठिंबा मिळताना दिसून येत आहे.

शुन्यातुन विश्व निर्माण करणारे नवनाथशेठ ऐवळे

 वादळांशी केले दोन हात प्रत्येक पावलावर होती कष्टाची साथ येणाऱ्या संकटांना तुम्ही दिली मात जीवनात मिळविले तुम्ही यश थाटामाटात....!!

कष्टाची प्रचंड क्षमता, आकाशी झेप घेण्याचे स्वप्न, परिस्थितीशी दोन हात करण्याची इच्छा आणि सेवाभावी वृत्ती यामुळे चर्चेत आलेले आटपाडी तालुक्यातील बोंबेवाडी गावचे सुपुत्र नवनाथशेठ ऐवळे हे व्यक्तिमत्व म्हणजे 'शून्यातून विश्व' निर्माण करणारे विलक्षण योद्धे आहेत.

घरची गरिबी, परिस्थितीमुळे अर्धवट सोडावे लागलेले शिक्षण, मिळेल ते कष्ट करून स्वतःचा आणि कुटुंबाच्या उन्नतीचा ध्यास घेऊन बोंबेवाडी येथील नवनाथ ऐवळे या तरुणाने गाव सोडले. संकटापुढे रडत बसण्यापेक्षा त्याच्याशी दोन हात करण्याची उर्मी अंगी असलेल्या या तरुणाने संकटांविरोधातच बंड केले. आणि हे बंड यशस्वी करून आज नवनाथ ऐचले हे बोंबेवाडीसह पंचक्रोशीत नवनाथशेठ बनले.

मिळेल ते काम करणे, त्यातून दोन वेळच्या जेवणाची सोय करणे आणि अहोरात्र झगडत स्वप्ने पूर्ण करण्याचा ध्यास घेऊन नवनाच यांनी खेळण्या-बागडण्याच्या वयात घर आणि गाव सोडले. सुमारे दहा वर्ष इतरांच्या गलाई दुकानात कामगार म्हणून काम केले.

जिद्द, प्रामाणिकपणा आणि प्रत्येक कामाला देव मानून नवनाथ यांनी हाल झाले तरी-हार होऊ देणार नाही' ही भुमिका सार्थ ठरविली. भुतकाळात सोसलेल्या यातना मुळापासून नष्ट करण्याचा त्यांनी विडा उचलला. मिळेल तिथे त्यांनी आपल्या चांगुलपणातून लोकांची मने जिंकली.

उरात बाळगलेली स्वप्ने पूर्ण करण्यासाठी त्यांनी छत्तीसगड गाठले. बिलासपुर येथे त्यांनी स्वबळावर छोटेखानी गलाईचा व्यवसाय सुरू केला. चांगुलपणा आणि प -ामाणिक सेवेतून नवनाथ ऐवळे यांनी व्यवसायात बसस्थान बसविले. बोंबेवाडी गावातून बाहेर पडून सुमारे २५ वर्षापूर्वी सुरू केलेला प्रवास आज एका यशोशिखरावर पोहोचला आहे.

काळ बदलला तसे नवनाथ आणि त्यांच्या कुटुंबीयांचेही दिवस बदलले. आज नवनाथ सर्वांचे लाडके नवनाथशेठ बनले आहेत. आपली परिस्थिती बदलली, प्रगती झालीतरी पाय जमिनीवर ठेवून त्यांची वाटचाल भक्कमपणे सुरू आहे. गलाई व्यवसायात एक यशस्वी व्यक्तिमत्व म्हणून नवनाथशेठ यांनी लौकिक प्राप्त केलातरी त्याचा कोठेही मोठेपणा त्यांच्या अंगी नाही. साधेपणा, सर्वांशी हसतमुख आणि विनम्रपणे व्यवहार करणारे नवनाथशेठ आज सर्वसामान्यांचे अश्रू पुसण्यासाठी तत्पर असणारे मदतगार म्हणून प्रसिद्ध आहेत.

बोंबेवाडीतील गरजूंच्या अडचणी सोडवण्यासाठी, त्यांना सढळ हाताने आर्थिक मदत करण्यासाठी नवनाथशेठ अग्रभागी आहेत. लक्ष्मीमातेचा वरदहस्त लाभलेल्या नवनाथशेठ ऐवळे यांनी गावातील लक्ष्मीदेवीच्या प्रत्येक धार्मिक सोहळ्यात मदतीसाठी तत्पर असतात. कुस्तीला प्रोत्साहन देण्यासाठी ते सदैव पुढे असतात. कुस्तीपटू, तालीम गावातील कुस्ती मैदान यांना ते मदत करतात. गावातील नावाजलेली पहित्ती कुस्ती आजही नवनाचशेठ यांचीच असते. गतवर्षी त्यांनी कुस्ती मैदान यशस्वी केले.

विद्यार्थ्यांना शैक्षणिक मदत, गोरगरिबांच्या मुला-मुलींच्या लग्नासाठी आर्थिक मदत, वधुवर मेळाव्याला मदत करणारे नवनाथशेठ सदैव प्रसिद्धीपासून दूर राहिले. 'मी शून्यातून इथेपर्यंत पोहोचलो आहे. जे काही मला मिळाले आहे, त्याचा लाम इतरांनाही झाला पाहिजे, अशी प्रांजळ भावना असलेले नवनाथशेठ आपल्या दातृत्वासाठी लोकांच्या हृदयात घर करून आहेत.

समाजासाठी काम करताना लोकांच्या अडचणी सोडविण्यासाठी काम करणारे नवनायशेठ ऐवळे म्हणजे मैत्रीच्या दुनियातील राजा माणुस आहेत. महाराष्ट्राचे लाडके नेते आमदार गोपीचंद पडळकर यांच्याशी घनिष्ठ नाते असलेले नवनाथशेठ समाजकारणातुन ओळख निर्माण करण्यात यशस्वी झाले आहेत. बोंबेवाडीचे हे सुपुत्र छत्तीसगड गलाई असोसिएशनचे महासचिव म्हणून ठसा उमटवत आहेत. समाजातील उपेक्षीत, वंचित घटकांप्रती आस्था असणारे, प्रचंड स्वाभिमानाने सर्वांच्या कल्याणाची प्रार्थना करणारे सर्वांचे लाकडे व्यक्तीमत्त्व आणि आमचे जिवलग मित्र नवनाबशेठ ऐवळे यांना वाढदिवसानिमित्त खुप खुप शुभेच्छा.

मा.जनार्दन मोटे (सर) बोंबेवाडी.

                 आज बैलगाडा शर्यत

छत्तीसगड गलाई असोसिएशनचे महासचिव, प्रसिध्द गलाई व्यवसायिक, बोंबेवाडी गावचे सुपुत्र मा. नवनाथशेठ ऐवळे यांच्या वाढदिवसानिमित्त आज बुधवार दिनांक ७जानेवारी रोजी भव्य बैलगाडा शर्यतीचे आयोजन करण्यात आले आहे. बोंबेवाड़ी-आंबेवाडी फाटीवर सकाळी सात वाजल्यापासुन बैलगाडा शर्यत होणार आहे. लाखोंच्या बक्षिसांची शर्यत एक पर्वणी असुन त्याचा लाभ बैलगाडा चालक-मालक, शेतकरी, शर्यतप्रेमी आणि आटपाडी तालुक्यातील लोकांनी घ्यावे.

सिंधूताई शेलार यांची महिला संघर्ष समिती पुणे जिल्हा सचिव पदावर नियुक्ती.

 

सिंधूताई शेलार यांची महिला संघर्ष समिती पुणे जिल्हा सचिव पदावर नियुक्ती.                                                                     

आंदोलन म्हणले की सिंधूताई आणि सिंधूताई म्हणाले की आंदोलन अशी ओळख असणारी पुणे शहरातील एक धडाडीची सामाजिक कार्यकर्ती.राजकीय वारसा नसणारी सर्वसामान्य कुटुंबातील पण अन्यायाविरुद्ध चीड असणारी आक्रमक स्वभावाची महिला नेतृत्व म्हणजेच सिंधूताई शेलार .पुणे शहरातील अनेक गरजूंच्या मदतीला धावून जात अगदी निस्वार्थीपणे सामाजिक कार्याचा जागर करीत निघालेल्या रणरागिणी म्हणजेच सिंधूताई शेलार मास मुव्हमेंट संघटनेच्या महाराष्ट्र प्रदेश महिला आघाडीचे अध्यक्ष म्हणून कर्तव्य पार पाडत आहेत.त्याबरोबरच महिला संघर्ष समिती मध्ये नुकतेच त्यांची पुणे जिल्हा सचिव म्हणून नियुक्ती संस्थापक अध्यक्षा रिनाताई जाधव यांनी केली आहे.अन्यायाविरुद्ध जोरदार लढा देऊन गरजूंना,महिलाना मोठा आधार देण्याचे कार्य सिंधूताई शेलार करीत असतात.अनेक मोडणारे संसार त्यांनी जोडले आहेत.तुटत चाललेल्या मनांची योग्य समुपदेशन करून समजूत घालून त्यांना योग्य दिशा दाखवली आहे.त्यामुळे महिलांमध्ये त्या सिंधूताई या नावानेच प्रसिद्ध आहेत.महिला संघर्ष समिती च्या संस्थापक अध्यक्षा रिनाताई जाधव यांनी नुकतीच त्यांची महिला संघर्ष समिती पुणे जिल्हा सचिव पदावर नियुक्ती करून खऱ्या अर्थानी लढणाऱ्या रणरागिणीचा योग्य सन्मान केला आहे.या नियुक्तीबद्दल संपूर्ण महाराष्ट्रातील त्यांचे हितचिंतक,नातेवाईक, मित्र-मैत्रिणी कडून अभिनंदन केले जात आहे...

होलार समाज यंग ब्रिगेड या सामाजिक संघटनेच्या सांगोला तालुका अध्यक्षपदी आबासाहेब गुळीग यांची नियुक्ती.

 होलार समाज यंग ब्रिगेड या सामाजिक संघटनेच्या सांगोला तालुका अध्यक्षपदी आबासाहेब गुळीग यांची नियुक्ती. सांगोला तालुक्यातील गौडवाडी येथील युवा नेतृत्व आबासो गुळीग हे सामाजिक चळवळीतील एक सक्रिय सहभागी असणारे युवक नेतृत्व असून प्रचंड असा जनसंपर्क आणि मित्रपरिवार त्यांच्या पाठीमागे खंबीरपणे उभा आहे.समाजातील अन्यायाविरुद्ध चीड असलेले हे व्यक्तिमत्व नेहमी सत्याच्या बाजूने लढताना दिसत आहे.त्यामुळे त्यांची होलार समाज यंग ब्रिगेड या सामाजिक संघटनेच्या सांगोला तालुका अध्यक्ष पदी संघटनेचे संस्थापक अध्यक्ष दादासाहेब नामदास यांनी संघटनेचे महाराष्ट्र प्रदेश अध्यक्ष संतोष हेगडे यांच्या उपस्थितीत नियुक्तीपत्र देऊन स्वागत केलं .विविध लोकहिताच्या आंदोलनात सक्रिय सहभागी असणारे सोबत घेऊन सामाजिक कार्य करणारे आबासाहेब गुळीग हे सांगोला तालुका रिपब्लिकन सेनेचे सांगोला तालुका उपाध्यक्ष म्हणून कार्य करीत आहेत.तसेच बुद्ध भीमराज सामजिक संस्थेचे संचालक म्हणून कार्य करीत आहेत.